monumenta.ch > Hrabanus Maurus > csg458.82 > csg75.358 > bsbClm6343.26 > sectio 34 > sectio 10 > sectio 10 > sectio 18 > uwbM.p.th.f.68.232 > sectio 66 > sluMscr.Dresd.A.145.b.113 > 3 > csg48.228 > sectio 21 > sectio 33 > csg51.221 > 64 > sectio 18 > bkeCod.22.5v > sectio 65 > sectio 15 > sectio 19 > sectio 27 > bsbClm6436.20 > csg51.223 > sectio 12 > bnf17226.218 > sectio 9 > sectio 1 > sectio 5 > csg458.101 > sectio 11 > csg458.93 > sectio 17 > csg48.47 > sectio 18 > bnf10439.199 v > bsbClm6224.140 > bnf9389.237 > csg48.201 > sectio 17 > sectio 19 > sectio 7

Word Selection for Searching

Report an Error in this Sectio
Seneca Maior, Controversiae, 7, 3, 7
Si hoc colore dici placet pro adulescente, quo dixit LATRO, ut nihil mutaret ex voto sed diceret: 'mori volui taedio abdicationum et infelicitatis adsiduae, cum in hoc tantum sordes ponerem, ut cum maiore tormento positas resumerem, et absolutio mihi uni non finis esset periculi sed initium', incipit praeter coniecturam et illa prima vulgaris in eiusmodi controversiis et pertrita quaestio incurrere, an venenum habere in mortem suam liceat. ALBUCIUS illo colore pro adulescente dixit: non fuisse venenum; cum putarem, inquit, odio me esse patri meo, volui experiri adfectum eius, quomodo mentionem mortis meae ferret; itaque palam et ita, ut interveniret pater, tenui. FUSCUS ARELLIUS eodem colore usus est sed aliter; non dixit: experiri patrem volui, sed: ut miserabilem me patri facerem.